मृगतृष्णा

एक दिन त कसो नआउलाउ तिमी

मेरो सपनीको दुनियाबाट 

उड्दै उड्दै, हरेक ती तुवालोहरु छिचोल्दै । 

खुर्र् खुर्र् दुगुर्ने मेरो मन, 

त्यसपछि त बुकुर्सी मार्दै उफ्रिन्थ्यो होला । 

कति रमाइलो हुन्थ्यो होला त्यो पल

जब म तिमीलाई आफ्नो नजिक पाउथे

मजाले नियाल्थे, तिम्रा आंखाका भाखालाई एकनासले निहार्थे

आहा, 

मेरो मन अनि त उफ्रिने मात्र कंहा हो र ? 

सिमलको भुवासरी माथि माथि आकासमा नाच्थयो । 

सोच्दा मात्र पनि कति रमाइलो ?

निद्रामा मात्र देखिने तिमी, 

नयनअघि नै भएपछि त, म कहां पो निदाउन सक्थे होला र ?

कति रात म टोलाएर बस्थे होला तिम्रै मुहार निहार्दै 

तिम्रा ती चट् मिलेका शुन्दर केशराशि, 

टक्क मिलेका ओठ, अनि सानो शुन्दर नाक

कुनै नायकभन्दा कम तिमी कहा छौ र ? 

ला्, 

कस्तो वर्णको छौ तिमी ? 

कृष्णा वर्ण वा गहुगोरो कि निख्खर गोरो ? 

सपनामा तिम्रो स्वरुप राम्रोसंग देख्नै पाउदिन

खै, 

के पो गर्ने होला? 

विपनामा तिमी आयौ भने नि म चालै पाउदिन ।