सोच्छु कहिले काही
तिम्रो अंगालोमा बाधिउ,
माया पिरतीका मीठा मीठा कुरा गरौं
तिमीसंग मज्जाले धक फुकाएर हासौं ।
अनि त्यसबिचमा आउछ अर्को सोच
तिम्रो र मेरो सपनाहरुको
जो नदिका दुई किनारझै कहिले नमिल्ने छन् ।
सपनाहरु कै त अर्थ छ यहां
त्यसैले तिम्रो सामिप्यताभन्दा
मेरा सपना नै प्यारा छन् मलाई
अनि फेरी आउछ अर्को सोच
तिम्रो अंगालो पनि त एउटा सपना नै हो
त्यही भएर त त्यो मीठो छ
एकदमै मीठो ।
No comments:
Post a Comment