अर्थ, मेरा शब्दहरुको

photo credit; shakeoffthegrid.com

तिम्रा लागि बुनिएका मेरा शब्द

अनि त्यसभित्रको अर्थ

सायद तिमीले बुझेको भए

अनि त्यसभित्रको भावमा डुबेको भए

तिमीले बुझ्ने थियौ

मेरा मनभित्रका भावनाहरु

मैले तिम्रालागि सिर्जेका

 हो मात्र तिम्रालागि 

सिर्जेका मायाका परिभाषाहरु

तर, धन्य छ तिमीलाई

बुझेनौ तिमीले । 

त्यसैले त, हो त्यसैले त

आज मेरा शब्द गतिशिल भएका छन्

अनि शब्दसंगै म पनि गतिशिल भएको छु 

तिमीभन्दा फरक अर्को संसार भेटेको छु ।

जुन विशाल छ, धेरै नै विशाल

आज मेरा शब्दहरुले अर्थ पाएका छन्

त्यो पनि विविध, साचै नै विविध ।