सजिव निर्जिवता

शब्दभित्रको निशब्दता,

आवाजभित्रको मौनता

हासोभित्रको रोदन

अनि,

मुस्कानभित्रको पिडा

सायदै, तिमीले बुझेका छौ

आशाभित्र लुकेका मेरा नैराश्यता

विश्वासभित्र लुकेका मेरा आशंका

फगत, मेरा कमजोरी मात्र हैनन् ।

अनि यी मात्र हैनन्

केवल मेरा भावहरु

जुन सायदै तिमीले बुझेकाछौ ।

तिम्रा नजर केवल म प्रति छन्

अनि केवल मेरा अट्हास हासो र निश्चल मुस्कानप्रति छन्

कुनै दिन तिमी यीभन्दा भित्र गएर हेर

अनि पढ मभित्रका हरेक पानाहरु

र ढुबुल्की मार मभित्रका हरेक ज्वारभाटाहरुमा

त्यस बखत,

हो, मात्र त्यस बखत

तिमीले बुझ्ने छौ

मेरो अस्तित्व के हो

र के हुन् मेरा तरंगहरु

अनि बुझ्ने छौ तिमीले

सजिव भएर पनि निरर्जीव

हुदा कस्तो महसुस हुन्छ ?